Tūtakihia ngā ākonga ātaahua o Atawhaitanga
Ngā Ākonga o Atawhaitanga
- Author By tkaowjsimmons
- Publication date February 11, 2025
- Categories: Hanga | Create, Tohatoha | Share
- Tags: Ko wai mātou?, Ngā ākonga
- 1 Comment on Ngā Ākonga o Atawhaitanga
Tēnā rā koutou katoa!
Kua timata pai te 2025, ā, kua hoki mai te katoa ki te kura. Kātahi te ātaahua o ngā kanohi nei. He arohanui ki a koutou katoa i tae mai ki tō mātou rangitaki. Mauri ora!
Nau mai ki 2025 tamariki mā!
Tē taea te tatari ki te kite i ō kanohi ātaahua. Ko te tumanako i noho ora koutou i ngā hararei, i whai wā ki te whakatā, ki te mahi hākoakoa, ki te mahi i ngā mahi pārekareka ki a koutou. Hei te Rāmere tamariki mā. Arohanui ki a koutou!
Ngā Kāre ā Roto
E ako ana ngā tamariki e pā ana ki ngā kāre ā roto kia taea e rātou te whakaahua i ō rātou kāre ā roto, kia taea hoki te mārama i ō rātou hoa, ō rātou whanaunga anō hoki.
Kauhoe i te Ao i te Pō
E ngākanui ana a Atawhaitanga ki te kauhoe. Kāre e kore ka mau mai rātou i ō rātou kākahu kauhoe ia rā, ia rā. Ki te wareware rātou i ō rātou kākahu kauhoe, te āhua nei ko te mutunga o te ao. Ka kauhoe i ngā rangi wera, ngā rangi mahana, ngā rangi ua me ngā rangi marangai anō hoki. Atu i te pāngarau, koinei tō rātou tino mahi.
Te Pepeha o Joseph
Kei te ako a Joseph ki te whakamahi i te Flip Grid hei hanga kiriata. Kei konei a Joseph me tōna pepeha ki raro i te moana.
Nau mai haere mai ki Atawhaitanga 2024
Tēnā rā tātou e te whānau
Kua timata pai te tau, kua timata pai ngā mahi, kua timata pai ngā akoranga ki roto i te akomanga. 16 ngā tauira ki Atawhaitanga i tēnei tau. Kua tae mai tētahi tauira hou. Ko Riria tōna ingoa. Nau mai, haere mai ki waenganui i a tātou.
He kaupapa nui kei te haere i tēnei tau. Toitū te ao Māori, kei roto i tērā kaupapa anō, ko te toitū te Tiriti, toitū te reo me ngā tikanga hoki.
Nōku te maringanui, kua kī te akomanga i ngā manu tīoriori. Anei tētahi waiata, whakarongo mai!
Te Wiki Tuarua o Wāhanga 4
Tūtaki atu ki ngā tamariki o Korimako. He kōrero hei whakahoahoa atu ki a koutou. He kīwaha, he whakataukī, he pānga me ētahi akoranga pai o te wiki,